Informamos dalgunhas melloras implementadas no seu funcionamento e recordamos outros puntos que deben terse en conta:

- A causa "M NON SE LOCALIZOU OU NON SE PRESENTOU" non provoca a solicitude dun servizo 11G. A instrución corrixirase na seguinte versión.

- Non se xeran dous 11G pola mesma causa. Detectáronse erros neste punto derivados dos rexeitamentos a ofertas e cursos pero xa foron corrixidos a mediados do mes de agosto.

- Está pendente de implementarse no aplicativo que as persoas prexubiladas (colectivo especial 03 e 11) queden excluídas da carga 11G pola causa de levar máis de cinco anos inscritos de forma ininterrumpida (non quedan exlcuídos das restantes causas)

- Non se cargará un 11G pola causa de levar mais de 5 anos de forma ininterrumpida cando se dea algunha das seguintes circunstancias:
* teña actualmente un IPI aberto
* tivera un IPI concluido no último ano
* tivera un servizo 11G iniciado nos últimos dous anos por calquera das causas de inicio do 11G
* tivera un curso recibido no último ano

- As oficinas de emprego deberán revisar o mais axiña posible as xustificacións de rexeitamentos ou abandonos de cursos co fin de evitar a carga errónea do 11G por esta causa. A modo informativo:
* Un rexeitamento a unha oferta ou curso provoca o requirimento dun servizo 11G pasados 5 días do rexeitamento.
* Un abandono dun curso provoca o requirimento dun servizo 11G pasados 15 días da baixa no curso.
* Cómpre recordar o indicado na nota do 10 de agosto do 2023

Dentro da atención do programa de seguimento intensivo da demanda de emprego realízase a xestión dos rexeitamentos a ofertas de emprego e a accións formativas.

 No apartado 7 da instrución regúlase a xestión dos incumprimentos. En concreto o apartado 4 menciona:

4- Se a persoa demandante de emprego xustifica o incumprimento ou a oficina de emprego de referencia non obtén a documentación xustificativa necesaria para iniciar o procedemento sancionador, comunicará esta circunstancia á oficina de xestión da oferta ou acción formativa que motivou o incumprimento para que o xustifique no aplicativo correspondente. Neste suposto, a oficina de emprego de xestión da oferta ou da acción formativa non entrará no fondo do asunto e limitarase a xustificar o rexeitamento a petición da oficina de referencia.
Polo tanto é preciso que, se a persoa orientadora verifica a xustificación do rexeitamento, o xustifique nos aplicativos correspondentes (SICAS ou SIFO) para eliminalo. No suposto de ser unha oferta ou unha acción formativa xestionada noutra oficina deberá comunicalo a oficina de xestión pero se a oficina é a mesma que a da persoa orientadora, mecanizarase nos aplicativos a xustificación polas persoas encargadas das áreas correspondentes.

- Non debe modificarse o rexeitamento dun curso ou dunha oferta se, unha vez feitas as comprobacións oportunas, o rexeitamento sexa real e certo. Non se xerará nunca un novo servizo 11G por esa mesma causa. (sí pode xerarse un novo 11G por un novo rexeitamento).
Se a persoa é perceptora de prestacións, comunicarase á persoa directora da oficina para o inicio do procedemento sancionador.
Se a persoa non é perceptora, non se eliminará o rexeitamento e se lle informará á persoa demandante da existencia do incumprimento, pero non se iniciará un procedemento sancionador.
No momento no que o PROSAN permita iniciar procedementos sancionadores a persoas non perceptoras aprobaremos e publicaremos na intranet unha nova instrución do procedemento sancionador e para os rexeitamentos xerados por personas non perceptoras, a partir dese momento, iniciarase o procedemento sancionador para non perceptores.

- Non debe modificarse a non dispoñibilidade para unha oferta se esta foi real. Soamente podería volver a xerarse un novo 11G por esta causa cando se rexistren de novo 3 novas non dispoñibilidades para ofertas desde o último 11G e transcorreran polo menos 12 meses do último 11G.

- Próximamente poderá verse de forma automática en SICAS a causa que xerou o 11G e en ORNSOA poderá distinguirse a través de cores a orixe da cita cargada na axenda.