Tipo de axuda:
Prazo pechado
Obxecto da axuda
Esta Resolución ten por obxecto convocar as subvencións destinadas a financiar os custos de persoal imputables ao exercicio de 2026 das unidades de apoio á actividade profesional e do persoal que desenvolva accións de coordinación ou dirección dos CEE con sede e centro de traballo na provincia de Pontevedra, que estean inscritos no Rexistro Administrativo de Centros Especiais de Emprego e teñan recoñecida a súa carencia de ánimo de lucro na data de publicación desta convocatoria, coa finalidade de promover a integración laboral das persoas con discapacidade con maiores dificultades de inserción mediante o seu emprego nos CEE que operan nesta provincia.
Descrición da axuda
O período subvencionable dos contratos do persoal das unidades de apoio á actividade profesional e do que desenvolva accións de coordinación ou dirección comprenderá todo o ano natural de 2026; en concreto, os gastos destas tipoloxías de persoal xerados durante este período.
Serán subvencionables os custos salariais das unidades de apoio durante o ano 2026, xa sexan contratos formalizados con anterioridade ou posterioridade á publicación desta axuda.
Percibirase o 100 % cando se xustifiquen gastos salariais por importe igual ou superior á cantidade concedida e se manteña o número de persoas con discapacidade do CEE contratadas que se tivo en conta para adxudicar o importe da subvención; de non ser así, realizarase o axuste proporcional, tomando como referencia a media anual das persoas contratadas ao longo dos meses do período subvencionable, sen que o número ou a tipoloxía dos contratos das unidades de apoio inflúa para estes efectos.
Só se concederá unha subvención por entidade.
O importe máximo das axudas será a do tramo que corresponda tendo en conta a media de persoas con discapacidade contratadas no CEE indicadas nos informes de datos para a cotización e información por período de liquidación e conta de cotización (Idcpl-ccc) da totalidade dos meses do exercicio anterior (anualidade de 2025) achegado na fase de solicitude, sen que sexan acumulables os seguintes tramos:
a) 15 ou menos persoas traballadoras con discapacidade: 5.000,00 €.
b) De 16 a 30 persoas traballadoras con discapacidade: 11.000,00 €.
c) De 31 a 40 persoas traballadoras con discapacidade: 14.000,00 €.
d) Máis de 40 persoas traballadoras con discapacidade: 18.000,00 €.
Colectivo obxectivo
Persoas beneficiarias
Poderán ser persoas beneficiarias os CEE sen ánimo de lucro que cumpran os seguintes requisitos:
a) Figurar inscritos como centro especial de emprego no Rexistro Administrativo de Centros Especiais de Emprego de Galicia, de acordo co disposto no Decreto 200/2005, de 7 de xullo, polo que se regula a autorización administrativa e a inscrición no citado rexistro.
b) Ter recoñecida a súa condición como centro especial de emprego sen ánimo de lucro.
c) Constar obrigatoriamente o domicilio social e o centro de traballo na provincia de Pontevedra.
d) Estar ao corrente das obrigas coa Axencia Estatal de Administración Tributaria (AEAT), coa Axencia Tributaria de Galicia (ATRIGA), coa Seguridade Social e coa Deputación de Pontevedra.
e) Non incorrer en ningunha das prohibicións previstas na LXS nin estar incluídos nos supostos de incapacidade ou incompatibilidade para percibir axudas ou subvencións públicas.
Con este navegador móvete á seguinte (dereita) ou anterior (esquerda) axuda publicada.