Os servizos que se desenvolvan deberán posibilitarlles ás persoas contratadas a realización dun traballo efectivo en tarefas relacionadas cos fins das entidades beneficiarias (tanto entidades locais como organismos intermedios), que lles procure unha práctica profesional necesaria para a súa integración sustentable no mercado de traballo, e non estar afectos ao desenvolvemento dunha actividade económica conforme o establecido pola xurisprudencia europea (entenderase por actividade económica calquera actividade consistente na subministración de bens ou servizos nun mercado determinado).

Efectuada a selección das persoas mozas traballadoras na forma prevista, o organismo intermedio beneficiario procederá á súa contratación utilizando a modalidade de contrato temporal. Empregarase o modelo de contrato de traballo vinculado a programas de políticas activas de emprego, tendo en conta que, os contratos deberán formalizarse no prazo e nos termos establecidos na resolución concedente da subvención e, en todo caso, con anterioridade á finalización do prazo previsto (30 de outubro de 2026).

Cada contrato terá unha duración mínima de nove meses e unha xornada laboral do 100 %, e ese será o período laboral máximo subvencionable para cada contrato.

Para a determinación da contía das subvencións e a súa xustificación, empregarase un método de custos simplificados consonte o disposto nos artigos 53.1.b) e 53.3.a) e i) do Regulamento (UE) 2021/1060, conforme o cal se establece un custo unitario por cada persoa moza contratada a tempo completo durante o período mínimo de 9 meses establecido no art. 6.c). En particular, para o cálculo do custo unitario, tomáronse como referencia as bases mínimas de cotización vixentes, segundo o grupo de cotización en que se atopen as persoas mozas traballadoras en cuestión, máis a cotización empresarial á Seguridade Social para os contratos de duración determinada, resultando as seguintes contías: