Son gastos subvencionables os custos salariais e de seguridade social, os derivados das indemnizacións de fin de contrato e os correspondentes aos cursos de formación en materia de riscos laborais que deban realizar as persoas contratadas segundo a lexislación laboral vixente, durante o período do 1 de xaneiro de 2025 ata o 31 de decembro de 2025.

Non se subvencionan en ningún caso gastos indirectos ou propios do funcionamento ordinario da entidade solicitantes (persoal non adscrito especificamente ao proxecto, gastos de asesoría, cotas empresariais, gastos xerais...).

O programa estenderá a súa vixencia ata o 31 de decembro de 2025 polo que os contratos formalizados e as actividades obxecto deste programa deberán rematar como máximo nesa data e, en consecuencia, non poderán imputarse ao programa gastos realizados con posterioridade.

Os concellos poderán solicitar como máximo a contía do módulo que lles corresponda en función da porcentaxe resultante de dividir o número de persoas desempregadas no concello entre o número total de persoas desempregadas nos concellos de menos de 50.000 habitantes, mentres que os concellos da Coruña, Ferrol e Santiago de Compostela optarán a un importe único de 75.000,00 euros, segundo o indicado nas bases do programa e que figura no ANEXO III- Detalle dos módulos a financiar das referidas bases.